Vinsældir heitreykts lax hér á landi fer stöðugt vaxandi, eru dæmi um að slíkar vörur seljist upp í verslunum og framleiðendur hafa þurft að tvöfalda framleiðsluna. Við Íslendingar erum spennt fyrir nýjungum og ekki sakar þegar slíkar nýjungar eru svo líka bráðhollar! Heitreyktur lax passar líka vel inn í Ketó mataræðið sem margir Íslendingar aðhyllast. Heitreykts lax er svo líka hægt að njóta á svo marga mismunandi vegu, sem aðalréttur, á brauð, í salat, í pasta, í laxasalat ofl.

Heitreyktur lax

2 laxaflök

Þurrsöltun:*

50g salt

50g púðursykur**

Alder (elri) bragðs Bradley viðarkubbar (mælum líka með Pacific viðarkubbunum eða auðvitað ykkar uppáhalds)

*Þurrsöltunarblanda miðast við 2 flök – auðvelt að stækka uppskrift sem nemur magni af fisk

** Notið Sukrin Gold til að gera ketó heitreyktan lax

Aðferð:

1. Blandið saman salt og púðursykri og nuddið á fiskflökin
2. Setjið laxinn í kæli í 30 mínútur
3. Skolið þurrsöltunarblönduna af laxinum og þurrkið með hreinu viskustykki. Látið svo laxinn þorna almennilega á þurrkgrind í a.m.k. klukkustund í ísskáp, án þess að hylja hann (svo það lofti vel um hann).
4. Hitið Bradley reykofninn upp í 95°C
5. Þegar laxinn er orðinn þurr er hann settur í reykofninn í 1,5-2 klukkustundir, eða þar til hann hefur náð eldunarhitanum 55-60°C.